آآههههه من دكتاورية خدم مبارك البلطجية

بريشة Carlos Latuffكارلوس لاتوف

أقرأ بإنتباه دة مقال ساخر مش سب فى سته ابريل - شر البلية ما يضحك

سته ابريل وما أدراك ما سته ابريل … انه رجز من عمل الشيطان …واى تفكير لمجموعات شبابيه تعتبر من عمل الشيطان …. وعلينا ان نتكاتف جميعا للقضاء على هذا الشيطان …. والمتمسك فى الخونه من امثال هؤلاء …. فقد وضحأت الرؤيه وكلنا يعلم ذلك … فعدم محاكمة الفاسدين حتى الان والتستر هنا وهناك على الخونه فى كل القطاعات …. بدعم واضح من سته ابريل … ونقل المخلوع بعد التنحى الى افخم المنتجاعات السياحيه … على يد هؤلاء السته …. لهو امر يبين مدى التواطىء … بدليل تمسك هؤلاء السته بالقيادات المشبوهه فى كل مواقع البلاد بعد التنحى … وان تم استبعدهم للضغط يتم اختيار الاسواء …. ومن العجائز …. ياأهل بلدى فى كل مكان ان هذه السته ابريل … ترفض حتى الان عمل تطهير حقيقى لاخطر واقذر الاجهزه داخل بلدنا …. الشرطه …. وامن الدوله …. مع علم قيادات هذه السته ابريل بتقارير موثوق بها بخطورة هؤلاء الضباط على مصر …. ورغم ذلك تتمسك بنفس الاساليب القذره قبل التنحى … وتفرض هؤلاء الضباط فوق مصلحة الوطن …. ان سته ابريل تماطل حتى الان فى دعم حقيقى للسلع التموينيه وهذه ابسط الحقوق الدستوريه … فبعد ان قبلت طلبات استخراج بطاقات تموينيه لافراد هذا الشعب …. مازالت حتى اللحظه ترفض تسليم بطاقات الدعم …. ان سته ابريل بعد ان اوهمت الشباب بالعمل على تشغيلهم داخل ربوع البلاد وقبلت طلباتهم … فأذا بها تماطل حتى اليوم فى تشغيل اى من الخريجيين … بل اعطاء اوامر لاخطر القطاعات( القطاع المصرفى ) … لعدم مساعدة هؤلاء الشباب والعمل بنفس الوتيره القذره السابقه …. سته ابريل ياساده ياكرام توسعت واذدهرت فى تجارة الدقيق المدعم بعد قرار التنحى …. ان هذه السته ابريل ياساده تفرض البلطجه فى كل شبر على ارض هذه البلد وتساعد على اذدهار السوق السوداء لجميع السلع الاستهلاكيه …. ان لهم مطالب شاذه … انهم يريدون توفير حياه كريمه .. وشريفه لابناء هذا الوطن …. ان الدعم المقدم من هؤلاء السته ابريل الى البلطجيه فى كل محافظات مصر اسهم فى وقوع 28 الف قتيل جراء حوادث السطو والبلطجه والاغتصاب والسرقه … علينا ان نتكاتف جميعا ياأهل بلدى للقضاء على هؤلاء السته ونعبر بمصر الى طريق شرم الشيخ … عفوا الى طريق الامان …. وكفانا مظاهرات ولنجلس فى بيوتنا كالبهائم مثلما كنا طيلة 30 عاما بلا عزه وبلا كرامه وبلا شرف … وليتولى امورنا هذا المجلس العسكرى والذى ينير لنا الطريق فأنجازات هذا المجلس لاينكرها الا كل جاحد … ويشهد على ذلك سطوع هذا النجم المسمى بالفوضى فى كل شىء والمدعوم من كوكب البلطجه والله المستعان … ولن يهان هذا الشعب بعد اليوم … ولن تسقط هذه الثوره …. ولن يعيش هذا الشعب تحت سماء هذا الوطن بعد اليوم … الا بالعزه والكرامه والشرف … وسيحاكم كل القيادات الفاسده فى كل المواقع مهما توالت الاحداث والله غالب على امره

آدى مصر

ادي مصر ياللي شككتم في مصر

آدي مصر ياللي أفتيتوا الفتاوي فحقها مالهمش حصر

آدي مصر خارجة تعلن عالملأ كلمتها مصر

لا العساكر أو قنابل يمنعوها أو أي قصر

آدي مصر وأهل مصر

***

مصر قامت تنتفض بعد ما كان السكات

مصر قامت تنتفض عز ما كان السكات

بعد ما قاموا الفلاسفة يشخصوا عقم الحارات

جابت المولود يناير بس بالمرا ممات

كل حارة من حواري الشعب قامت وزعت بيه المحال

لا العساكر أو قنابل يمنعوها أو أي قصر

آدي مصر وأهل مصر

***

في الشوارع والنجوع والحواري والربوع

البطون الخارجة تهتف في المزارع ليه نجوع؟

و الولاد المولودين ويموتوا من قبل السبوع

كلمه الأرض العتيقة لما تعند فى الخضوع

جابت المولود يناير يوم تمنتاشر يزهر

اتجمع ويا الفروع

لا العساكر أو قنابل يمنعوها أو أي قصر

آدي مصر وأهل مصر

***

ادي مصر ام الولاد ام البنات امات مرايل

ام العرق يسقي في جفافه في المسا كل الخمايل

ادي مصر الشابة هابة

أدي مصر اللي نسيتوها

يا ما قلتوا عنها العجوزة لما كانت لسة شابة

حسبنا نسينا الحقيقة هي كانت بالحقيقة

هى اللى مهما الموج هيعلى عمرها ما تكون غريقه

أصلها مصر الأيادي المنزلة

مصر القدوم والمنجلة

مصر الشادوف والمنقلة

أصلها يا اخوانا تبقى مصرنا

لا العساكر أو قنابل يمنعوا الثورة بمصر

آدي مصر و شعب مصر

 الشيخ امام 

على الجيش ان يطهر قيادتة الفاسدة

تعليق متظاهر غاضب شارك منذ بداية الثورة حتى مهزلة خيانة القوات المسلحة فى العباسية (أعذرة وأشعر بآلآمة).

لا احد من مسؤلين الدوله يحرس الثوره .... لا احد من مسؤلين الدوله واقف مع الثوره ...... لا احد من حبايب مبارك يريد الثوره ...... لا احد غير ثوار 25 يناير يريد ثوره فى مصر ......... شعب وحش وحش وحش وحش وحش وحش وحش وحش وحش وحش وحش وحش وحش وحش ....... خلاص بئه كله يفض المولد ده وكله يروح بيته ورجعو حبايبكم تانى ياشعب بتحب الضرب بالجزم ياشعب جاهل ياشعب منافق ياشعب جبان ياشعب خواف ياشعب تعشق الضرب على قفاه .....ياخساره الشباب اللى ضحو بعمرهم عشانكم .... ياخساره حرقه قلب ام على ابنها اللى جسمه اتقطع عشانكم .... ياخساره اللى عينه ضاعت عشانكم ..... ياخساره بيت واولاد عائله الوحيد بئه كسيح وطريح الفراش عشانكم...... واخرتها ياشعب غلبان فى مخه تقولو كفايه مش عاوزين ثوره انتو وحشين ياثوار وتتهمونا بالجنون والخرف والعماله والخيانه ....لا حول ولا قوه الا بالله ...لا حول ولا قوه الا بالله ..... لا حول ولا قوه الا بالله .... ربنا يسامحكم ... ربنا يسامحكم ..... ياشعب جاهل مايعرفش حاجه فى دنيته شويه خرفان ونعاج مبارك ضحكو عليكم كعادتكم من يوم مااتولدتم وقسمونا على بعض وبدل ماتقف فى وش شويه ناس مالهاش اصل وكانو شويه خدامين هما واهاليهم وفى يوم وليله بقو من زوى السلطه وكانو بيدوكم على قفاكم صبح وليل وكنت تسافر بره مصر اقل كلب واوطى بشر يعاملوكم معامله العبيد ..... وفى الاخر الثوار هما اللى خربو البلد والثوار خونه والثوار عملاء والثوار ممولين والثوار لا شرعيه لهم والثوار مش فاهمين ...... ياشعب كنت قاعد تشجع من ورا الشاشه واحنا كنا بنموت ياشعب دخل جوا الجحور واحنا اللى اولادنا كانت هتتيتم عشانكم وعشان مصر ..... انا الان لا افتخر انى مصرى ... لا افتخر انى مصرى ..... لا افتخر انى مصرى .... اقول لولادى ايه واولاد زمايلى اللى ماتو عشانكم اما يكبرو .... اقولهم ابوكم انضرب رصاصه فى عنيه ورصاصه فى قلبه وبعد مادفناه شعب مصر الخرفان قالو عليه عميل وحمار ومش بيفهم ...... اقسم بالله انا ببكى وانا بكتب الكومنت ده .... اقسم بالله العلى العظيم حاسس انى كبرت 50 سنه وانا شايفكم كده .... اخص عليكم يامصريين اخص على اللى عاوز يعملكم قيمه وكرامه ... اخص عليا انا اما طلعت يوم 28 يناير .... انا حمااااااااااااااااااااااااااااااااااااار انا جحش انا غبى انا متخلف عقليا انى كنت هيتم ابنى عشانكم ....... حسبى الله ونعم الوكيل .... حسبى الله ونعم الوكيل ..

دكتور ياسر سليمان

شهادة عيان خاصة جدا

شهادتي على احداث العباسية انا و اخي

المنظور من الجهتين

 دي شهادتي انا و اخويا على - اسماعيل وهبة - ١٧ سنة في نفس الوقت كان فيه ٢ من ولاد عمتي في المشهد - أحمد الشعار ١٨ سنة - كان وسط المتظاهرين مع اسماعيل ، و محمود ٢٥ سنة كان معايا     و الشهادة دي خاصة جدا علشان كل واحد فينا كان في ناحية : اسماعيل كان و سط المتظاهرين و انا كنت باحاول اروح له العباسية علشان أخده على المستشفى بعد ما رأسه اتفتحت من طوبة .   ادي اللي حصل و اسماعيل يصحح لي او يزود ، و ربنا يشهد على كلامي :   حوالين الساعة ٣ مساء (رواية أهل المنطقة بعد كلامي معام بشكل شخصي) بدأت اشاعة في الانتشار في المنطقة بأن الناس  ،اللي جايين من التحرير دول جايين يكسروا المنطقة و جايين يدخلوا علي أهل المنطقة بيوتهم ، و طبعا اللي عمل كدة عناصر مندسة من البلطجية المأجورين اللي انا شفتهم بعيني و اتكلمت معاهم برده بعد كدة .  بالتالي - اهالي العباسية كانوا سخنانين على اللي جايين عليهم من التحرير ، و كانوا شبه عاملين لجان شعبية   على الساعى ٣-٤ كدة المتظاهرين اتجهوا من ميدان التحرير للعباسية لوزارة الدفاع . الجيش كان قافل الطريق من عند كوبري العباسية ناحية جامع النور و كمان قافل مدخل ميدان العباسية من الناحية التانية من الكوبري .    المتظاهرين لما وصلوا اصتدموا بسخونة اهل العباسية و البلطجية المندسين بين الاهالي ، و انتدس فيهم من البلطجية المخربين اللي عملوا كام حركة تخريبية في المنطقة و سخنوا الاهالي عليهم اكتر - لاحظوا ان فيه بلطجية مندسين في الناحيتين دلوقتي و كله بيسخن كله .   بالتالي - حصل صدام بين المتظاهرين و البلطجية المندسين بين الأهالي و الأهالي اتجروا للصدام ده ، و بعد كدة البلطجية كانوا عمالين يولعوا فيها كمان و كمان ، و عمالين يجيبوا مولوتوف و طوب على براويطة من الحواري . شهادة بعض المتظاهرين ان كان فيه عساكر جيش وسط الاهالي في اول الأمر و بعد كدة بخ .   المهم ـ الكل بيضرب طوب و زجاجات على الكل و كل جهة فاكرة التانية بلطجية .   اسماعيل اخويا كان وسط المتظاهرين المحاصرين بين الجيش من ناحية و اهالي العباسية من ناحية . و أخد طوبة في دماغة فتحتها . فا  كلمني علشان اروح اجيبة من العباسية و راح على الاسعاف علشان يخيطوا دماغه ، و تمت الخياطة . لما رحت لاقيت مدخل العباسية من صلاح سالم مقفول بالشرطة العسكرية . اضطررت للتخريم من عند المستشفى الايطالي أو اليوناني لشارع السرايات و من الحواري وصلت لشارع كمال اللي عند مستشفى دار الشفاء .   طبعا تخيلي عن المشهد كان زي ما اسماعيل ما حاكيهولي - اللي هو منظور المتظاهرين - اللي هو ان فيه بلطجية عمالين يضربوا عليهم طوب و واقفين لهم عند مركز جراحة القلب في شارع امتداد رمسيس - قبل كلية الطب من ناحية شارع احمد سعيد . فا لما وصلت شارع كمال كنت فاكر الشوارع الجانبية متقفلة بالجيش او بالبلطجية . و لكني ذهلت ان ده ما كانش حاصل و مشيت في شارع كمال و عديت مستشفى دار الشفاء لحد شارع امتداد رمسيس ، و بعد كدة فضلت ماشي لحد ما لاقيت الناس - اللي المتظاهرين فاكرينهم بلطجية - متجمهرين و بيرموا طوب على المتظاهرين - اللي هم فاكرينهم عملاء و خونة و جايين  يكسروا عليهم بيوتهم وفي قول اخر بلطجية ، و لاقيت الامن المركزي عامل قدامهم حائط بشري علشان يحميهم من المتظاهرين - اللي المندسين من البلطجية الحقيقيين اقنعوهم انهم بلطجية .   وصلت لحد الامن و بصيت حواليا في وشوش الناس - لاقيتهم من اهالي العباسية و شبه الناس اللي انا شفتهم في جمعة الغضب . يعني من شعب مصر الكريم . و لاقيت فيه ناس وسطهم عمالين يسخنوهم . و لاقيت واحد عمال يزعق و يحدف طوب و شكله غلط شوية - قمت مسكته و قلت له انت بترمي طوب ليه ؟ قال لي دول عايزين يدخلوا عليا بيتي و يكسروا علينا عيشتنا !!!!   و واحد تاني عمال يقول "دول عملاء و خونة و عايزين يهدوا البلد" و الواد ده بالذات واحد جابه قدامي و سأله : " انت منين اصلا علشان انا من هنا و ما اعرفكش ؟ " قال له : "انا من ارض اللواء و جاي علشان الناس دي هايخربوا بيوتنا و علشان دول خونة !!!!" - لاحظوا الكلام اللي هو حافظة و شكلة برده كان غلط و يقترب من البلطجي . و خلونا نسميه عتريس علشان له واقعة ها تيجي كمان شوية معايا .   أيقتنت انا ساعتها الالتباس الفظيع عند الطرفين ، و ساعتها كلمت اخويا في التليفون و قلت له نط السور عند كلية الطب و اهرب من المكان ده علشان دي فتنة و مصريين بيضربوا مصريين و كله فاكر التاني بلطجي ، و روح اركب المترو و انزل في المعادي و انا هاروح اجيبك و نروح مستشفى نشوف الجرح بتاعك محتاج رعاية تانية ولا لأ .    و فجأة الفتنة و الغباء اللي كان حاصل ده خلاني انتابتني نوبة هستريا زعيق في الناس - و فضلت ازعق لهم زي المجنون و أقول لهم : " دول مش بلطجية !!! انا اخويا عنده ١٧ سنة وسطهم و ما خرجش من المدرسة لسه ؟؟؟ اخويا بلطجي ازاي يعني ؟؟؟ انتم فاكرينهم بلطجية و هم فاركينكم بلطجية !!! و انتم مصريين و هم مصريين و الجيش و الشرطة بتوقع بيننا و بين بعض !!!! و بيولعوها  اعلشان نضرب في بعض!!!! أخويا و اخو الراجل ده (اشارة لمحمود الشعار اللي كان واقف جنبي و اخوه مع اخويا وسط المتظاهرين) شباب في الجامعة عندهم ١٧ و ١٨ سنة !!! ازاي يبقوا بلطجية ؟؟؟"  و محمود بدأ يزعق فيهم هو كمان و كان فيه ناس بتحاول تتكلم معاهم علشان يبطلوا ضرب .   بعد زعيق كتير و رغي كتير و محاولات كتير - فجأة بدأ صوت العقل يكبر في المنطقة ، و ناس تانية بدأت تتكلم مع الموجودين في الشارع علشان يوعوهم . و بعض الناس بدأت تهتف "سلمية سلمية" . و لكن كان فيه تخوف انهم لو بطلوا يضربوا هاينضربوا احلى ضرب و تدمير .   و غير كدة كان كل شوية المتظاهرين يقربوا و الأمن يفتح لهم في الحائط البشري ثغرة علشان يحصل مواجهة بين الجبهتين و العكس .   المهم ، صوت العقل استمر في الصعود لدرجة ان أحد اهالي المنطقة هتف بالشعار العبقري "الشعب و الشعب ايد واحدة" و بدأنا نردد وراه ، و الناس كلها بدأت تردد وراه .   و هنا بقى ظهر عتريس المندس قدامي و حاول يهتف ضد الهتاف العبقري ده و يقول "عباسية - دول بلطجية و عملاء" و لكن للأسف محاولات عتريس - و عرفت انه مندس ساعتها من الموقف ده زائد الموقف اللي قبله .   "الشعب و الشعب ايد واحدة - الهتاف بدأ يعلى جامد و الضرب بقى من المندسين بس ، و بعد كدة هدي ، و فجأة المندسين البلطجية اختفوا من الشارع . و بعدهم على طول ... قام الامن المركزي ضارب قنابل مسيلة للدموع و هرب من المشهد زي خروج باتمان وسط الدخان - كل ده و الهتاف شغال - الشعب و الشعب ايد واحدة .   و فجأة الضرب وقف تماماً .   و بقوا الناس كلها من الاهالي رافعين اياديهم لفوق و فاتحين كفوفهم دلالة على السلمية و بيهتفوا "سلمية" و " الشعب و الشعب ايد واحدة" . و المتظاهرين كمان بدؤوا يقربوا و هم رافعين اديهم و كفوفهم بسلمية .    فا مشينا انا و محمود تجاه المتظاهرين علشان يشوفوا اننا مش بلطجية - بالمناسبة انا كنت لابس شورت باجي و تي شرت و محمود كان لابس نظارة فريملس ، فا قلت غالبا لو شافونا عن قرب هايطمنوا - و لما وصلنا لهم الجموع من الجهتين إلتأموا و بقوا كلهم جمع واحد . و بيهتفوا "سلمية سلمية" - و بعد كدة الدنيا هديت على الاخر و اي نار و اي حريق اطفئ .  

 و بعد كدة مشينا من العباسية   يا ريت لو حد من الشباب عنده اضافة يقول لي .

=======================

المجلس العسكري يستكمل تدمير مصر

بقلم ضياء الجبالي

في حركةٍ بهلوانيَّة سينمائيَّة قفز المجلس العسكري على ظهر ثورة يناير , بزعم الوطنية ؛ و ضرورة الحفاظ على أمن مصر !
وذلك لقيادة ثورة يناير إلى شط الأمان !؟ مدعياً للنزاهة والحيادية !
وهذا بالطبع هو نفس الأسلوب المتبع للحكومة السابقة .
وبالرغم من وضوح الرؤية للجميع بأن انحياز المجلس العسكري للثورة ؛ كان بسبب تأكده بأن الجيش المصري لن يقبل أن يحارب الشعب المصري دفاعاً عن حكومة البطش والفساد والنهب البائدة
؛فقد قبل الشعب المصري أن يلعب المجلس العسكري دور المنقذ الهمام ؛ إزاء تقاعس الإخوة الثوريين الأعداء المتفرقين والمتناحرين ؛ وخيانتهم لأمانة قيادة ثورة شعب مصر يناير !! مع هرولة قـادة أحزاب مصر ؛ كالعادة ؛ لاتفاقاتهم السرية المتواصلة لبيع مصر .
ولكن وما أنْ تولى المجلس العسكري مقاليد الأمور ؛ وإذا به يعود لاستكمال نفس خطوات وسياسات مخطط تدمير مصر السابق ! ولكن مع المزيد من جرعات الخداع والمهادنة والتمويه ؛؛
فتوالت قرارات المجلس العسكري الاستفزازية الخاطئة ؛ التي لا تراعي مطالب ثورة شعب مصر ؛ بل تراعي فقط أهداف المجلس العسكري الانفرادية الاستبدادية الخاطئة ؛ لاستكمال نفس خطوات المخطط السابق ؛ بتنفيذ الخطط البديلة لحكومة الفساد السابقة ؛ استكمالاً لتدمير مصر ..
فجميع قرارات المجلس العسكري واضحة الهدف .. بدءً من تعمد إضاعة الوقت ؛ لإتاحة الفرصة لتهريب وإخفاء كنوز وثروات مصر المنهوبة !؟ ثم تعيين الفرق الاحتياطية للوزراء ؛ والمحافظين ؛ والمنافقين !؟ مروراً بالمحاكمات الوهمية لمجرمي ولصوص العهد البائد !؟ مع اختزال جرائمهم !؟ تمهيداً لتبرئتهم !؟ وصولاً للَّعب بأمن واستقرار مصر بالفشل التام في ذلك !؟ مع الفشل التام في إرساء القانون والعدالة الاجتماعية في مصر !؟
حتى أصبح المجلس العسكري يقود مصر الآن لانفجار غير مسبوق للفتن الطائفية والصراعات الجانبية !؟ مع عدم الشفافية ؛ وعدم الوضوح في كل القرارات الدكتاتورية ؛ المعاكسة تماماً لمطالب ثورة شعب مصر !؟ حتى سرعة إزاحة الوزير الوحيد الناجح من فريق الوزارء الاحتياط إلى أمانة الجامعة العربية !؟ تخلُّصاً منه ومن نجاحاته !؟ مع بدء التلويح على استحياء ؛ ببدء العودة للاعتقال وللبطش بالشعب المصري !
كل ذلك يؤكد فشل المجلس العسكري في دوره المزعوم كمنقذ !؟ بل ويؤكد أن دور المجلس العسكري الرئيس ؛ وهمه الأول هو فقط تبرئة شركائه ورفاقه في عهد الفساد والاستبداد السابق !؟
دفاعاً عن نفسه ؛ وعن مصالحه الخاصة ..
ما يدعونا للمطالبة بتنحي المجلس طواعية ؟ وتسليم مقاليد الأمور إلى هيئة قانونية مؤقتة ؛ وذلك قبل أن يقود مصر إلى الانفجار الأمني والطائفي السائر الآن !؟ وقبل أن يكتشف الشعب حقيقة مخططاته الواضحة ؟حيث أنَّه لم ولن يتغير شيء في مصر إلى الأفضل مع كافة مهدئات المجلس ومخططاته الاحتياطية.
لذلك نطالب المجلس العسكري بالتنحي ؛ والاستقالة من مهامه ؛ لأجل مصر ؛ نظراً لعجزه وفشله في محاسبة رفاقه وشركائه !؟
كما نطالبه بتسليم سلطة البلاد لمجلس حكم قضائي مدني يتولى إرساء العدل والقانون في مصر مابين جميع أبناء مصر ؛ دون محاكم عسكرية ؟ ودون حكم طوارئ ؟ ودون أدنى تمييز عرقي ؟ ودون محسوبية مغرضة ؟ ودون دفاع مغرض عن مجرمين أو لصوص ؟ ودون استمرار لسياسات سرقة ونهب ؛ وخداع وتضليل شعب مصر ؟ وذلك بتنفيذ الدستور الذي يتم تطبيقه حسب المزاج أيضاً ؛ بتولي لجنة قضائية مدنيَّة مهام وأمور البلاد ؛
على أن يقتصر دور المجلس العسكري على الإشراف على قطاعي الدفاع والأمن فقط ؛ من واقع حرصه المزعوم على مصر .
مقابل عفو شعب مصر عن مشاركته السابقة للحكم البائد في تدمير مصر .
وذلك نظراً لفشل المجلس العسكري في تحقيق أي أمن ؛ أو أمان أو عدالة ؛ أو قانون ؛ أو شفافية .. وتفضيل المجلس العسكري لأهدافه وأطماعه الشخصيَّة في البلاد ؛ عن تحقيق مطالب ومصالح مصر ؛ وشعب مصر ؛ وثورة مصر ..
وبالطبع فإن هذا الحل أو الاقتراح لن يروق للمجلس العسكري .
لذلك نعود ونكرر ونطالب جميع الإخوة الثوريين أن يتحدوا جميعاً ؛ وأن يتناسوا جميع خلافاتهم ؛ لإنقاذ مصر ؛ بالمطالبة بتنحي ؛ أو بإقالة المجلس العسكري ؛ مع تمني شعب مصر أن يغير الجيش المصري مجلسه العسكري بنفسه ؛ وذلك قبل أن ينجح في استكمال تنفيذ مخططه الواضح لإكمال واستكمال تدمير وإحراق مصر بأكملها ؛ وبنفس سياسات الفرعون البائد من خداع وتضليل وبطش ونهب وفساد وظلم ودكتاتورية ؛؛
والله الهادي إلى سواء السبيل ..